59. Apan wala gihapon magkatakdo ang ilang gipanulti.
60. Unya mitindog ang Pangulong Pari atubangan sa tanan ug nangutana kang Jesus, “Wala ka bay ikatubag sa sumbong nga ilang gipasaka batok kanimo?”
61. Apan naghilom lamang si Jesus. Nangutana pag-usab ang Pangulong Pari kaniya, “Ikaw ba ang Mesiyas nga Anak sa Dalaygon nga Dios?”
62. Si Jesus mitubag, “Ako! Ug makita unya ninyo ang Anak sa Tawo nga maglingkod sa tuo sa makagagahom nga Dios ug moabot uban sa mga panganod sa langit!”
63. Ug gigisi sa Pangulong Pari ang iyang kaugalingong bisti ug miingon, “Wala na kita magkinahanglan ug dugang pang mga saksi batok kaniya!
64. Nadungog ninyo ang iyang pagpasipala sa Dios. Unsa may inyong hukom?”Ug mihukom silang tanan nga sad-an siya ug angay gayong patyon.