10. Ug miingon siya kanako, “Ayaw itago ang mga panagna nga ania niining libroha kay duol na ang katumanan niini.
11. Pasagdi nga ang daotan magpadayon pagbuhat sa daotan, ang malaw-ayon magpabilin nga malaw-ay, ang matarong magpadayon pagbuhat sa matarong ug ang balaan magpabilin sa pagkabalaan.”
12. Si Jesus miingon, “Mobalik ako sa dili madugay nga magdalag ganti aron ihatag sa tagsatagsa sumala sa iyang binuhatan.
13. Ako ang Alpa ug ang Omega, ang una ug ang ulahi, ang sinugdan ug ang kataposan.”
14. Bulahan kadtong naglaba sa ilang bisti aron sila hatagan sa katungod sa pagkaon sa bunga sa kahoy nga naghatag sa kinabuhi ug sa pagsulod sa mga ganghaan sa siyudad.