5. Human niini, nakita ko nga naabli ang Templo didto sa langit ug ang Templo nga puy-anan sa Dios diha niini.
6. Ug migula sa templo ang pito ka anghel nga nagdala sa pito ka katalagman. Nagbisti silag puting lino ug gibandahan ug bulawan ang ilang dughan.
7. Unya ang usa sa upat ka buhing binuhat mihatag sa pito ka anghel ug pito ka bulawang panaksan nga puno sa kapungot sa Dios nga buhi sa walay kataposan.
8. Ang templo napuno sa aso nga gikan sa himaya ug gahom sa Dios ug walay makasulod sa templo hangtod nga matapos ang pito ka katalagman nga gidala sa pito ka anghel.