1. Gikan ni Pablo, ni Silas ug ni Timoteo—Alang sa simbahan sa Tesalonica nga iya sa Dios nga atong Amahan ug sa Ginoong Jesu-Cristo:
2. Ang Dios nga Amahan ug ang Ginoong Jesu-Cristo maghatag kaninyo sa grasya ug kalinaw.
3. Mga igsoon, kinahanglan nga sa tanang panahon magpasalamat kami sa Dios tungod kaninyo. Angay gayod nga buhaton namo kini kay ang inyong pagtuo nagtubo man pag-ayo ug misamot usab ka hugot ang inyong paghigugmaay.
4. Busa kamo gipasigarbo namo sa mga simbahahan sa Dios tungod sa inyong paglahutay ug pagtuo taliwala sa tanang paglutos ug mga pag-antos.