22. Kay ang usa ka ulipon nga gitawag sa Ginoo, dili na ulipon diha sa Ginoo. Ug ang tawo nga dili ulipon sa diha nga gitawag siya ni Cristo nahimong ulipon ni Cristo.
23. Kay gipalit kamo sa Dios busa ayaw na kamo pagpaulipon sa mga tawo.
24. Mga igsoon, angay nga ang matag usa magpadayon sa pagpakighiusa sa Dios sa samang kahimtang sa pagtawag sa Dios kaniya.
25. Mahitungod sa mga dili minyo, wala akoy sugo gikan sa Ginoo apan aniay akong hunahuna ingon nga usa ka tawo nga tungod sa kaluoy sa Ginoo takos kasaligan:
26. Tungod sa kalisdanan niining panahona, gihunahuna ko nga maayo pa sa usa ka tawo nga magpabilin sa iyang kahimtang karon.