16. Gidala si Jesus sa mga sundalo ngadto sa hawanan sa palasyo sa gobernador ug gipapundok nila ang ubang mga sakop sa tropa.
17. Unya gisul-oban nila si Jesus ug kupo nga dagtom-pula. Naghimo silag purongpurong sa mga sangang tunokon ug gibutang nila kini sa iyang ulo.
18. Unya misugod sila pagyukboyukbo kaniya nga nag-ingon, “Mabuhi ang Hari sa mga Judio!”
19. Ug gibunalan nilag lipak ang iyang ulo, gilud-an siya, giluhodluhoran ug giyukboyukboan.
20. Human nila bugalbugali si Jesus, gihuboan nila siya sa kupo nga dagtom-pula ug gisul-oban pagbalik sa iyang kaugalingong sapot. Unya gidala nila siya sa gawas aron ilansang sa krus.