3. ክፋት ስትመጣ ንቀት ትከተላለች፤ከዕፍረትም ጋር ውርደት ትመጣለች።
4. ከሰው አፍ የሚወጡ ቃላት ጥልቅ ውሆች ናቸው፤የጥበብም ምንጭ እንደሚንዶለዶል ፏፏቴ ነው።
5. ለክፉ ሰው ማድላት፣ንጹሑንም ፍትሕ መንሣት ተገቢ አይደለም።
6. የተላላ ከንፈር ጠብ ያመጣበታል፤አፉም በትር ይጋብዛል።
7. ተላላ ሰው አፉ መጥፊያው ነው፤ከንፈሮቹም ለነፍሱ ወጥመድ ናቸው።
8. የሐሜተኛ ቃል እንደ ጣፋጭ ጒርሻ ነው፤ወደ ሰው ውስጣዊ ክፍል ዘልቆ ይገባል።
9. ለሥራው ደንታ የሌለው ሰው፣የአጥፊ ወንድም ነው።
10. የእግዚአብሔር ስም ጽኑ ግንብ ነው፤ጻድቅ ወደ እርሱ በመሮጥ ተገን ያገኝበታል።
11. የባለጠጎች ሀብት የተመሸገ ከተማቸው ነው፤እንደማይወጣ ረጅም ግንብም ይቈጥሩታል።
12. ከውድቀቱ በፊት ሰው ልቡ ይታበያል፤ትሕትና ግን ክብርን ትቀድማለች።
13. ከማዳመጡ አስቀድሞ የሚመልስ፣ቂልነትና ዕፍረት ይሆንበታል።
14. በሕመም ጊዜ፣ ሰውን መንፈሱ ትደግፈዋለች፤የተሰበረውን መንፈስ ግን ማን ሊሸከም ይችላል?
15. የአስተዋይ ልብ ዕውቀትን ይገበያል፤የጠቢብም ጆሮ አጥብቆ ይሻታል።
16. እጅ መንሻ ለሰጪው መንገድ ትከፍትለታለች፤ታላላቅ ሰዎች ፊትም ታቀርበዋለች።
17. አስቀድሞ ጒዳዩን የሚያሰማ ትክክለኛ ይመስላል፤ይኸውም ባላንጣው መጥቶ እስከሚመረመር ድረስ ነው።