1. የልመናዬን ድምፅ ሰምቶአልና፣ እግዚአብሔርን ወደድሁት።
2. ጆሮውን ወደ እኔ አዘንብሎአልና፣በሕይወት ዘመኔ ሁሉ ወደ እርሱ እጣራለሁ።
3. የሞት ወጥመድ ያዘኝ፤የሲኦልም ጣር አገኘኝ፤ጭንቅና ሐዘን አሸነፈኝ።
4. እኔም የእግዚአብሔርን ስም ጠራሁ፤“እግዚአብሔር ሆይ፤ ነፍሴን ታድናት ዘንድ እለምንሃለሁ” አልሁ።
5. እግዚአብሔር ቸርና ጻድቅ ነው፤አምላካችን መሓሪ ነው።
6. እግዚአብሔር ገሮችን ይጠብቃል፤እጅግ ተቸግሬ ሳለሁ አዳነኝ።
7. ነፍሴ ሆይ፤ ወደ ዕረፍትሽ ተመለሺ፤ እግዚአብሔር መልካም አድርጎልሻልና፤
8. አንተ ነፍሴን ከሞት፣ዐይኔን ከእንባ፣እግሮቼን ከመሰናከል አድነሃልና።
9. እኔም በሕያዋን ምድር፣ በእግዚአብሔር ፊት እመላለሳለሁ።
10. “እጅግ ተጨንቄአለሁ” ባልሁበት ጊዜ እንኳ፣እምነቴን ጠብቄአለሁ።