1. “Kan jy vir die leeuwyfie prooi vang wat genoeg sal wees vir haar kleintjies
2. waar hulle lê en wag in hulle wegkruipplek,waar hulle skuil in die bosse?
3. Wie gee kos vir kraaie as hulle kleintjies na God roep en ronddwaal omdat hulle honger is?”
4. “Ken jy die tyd wanneer die bergbokke lam? Het jy gesien wanneer die wildsbokke kleintjies kry?
5. Weet jy hoeveel maande hulle draagtyd is?Weet jy wanneer hulle moet lam?
6. Hulle krimp inmekaar om geboorte te gee.Hulle geboortepyne is vinnig verby.
7. Die klein bokkies word groot in die oop veld.Hulle verlaat die ouers en kom nie weer terug nie.
8. “Wie laat die wildedonkie vry rondloop?Wie maak sy harnas los?
9. Ek het hom laat leef in die wildernis.Die soutvlaktes is sy blyplek.
10. Hy lag vir die gewoel in die stad.Hy steur hom nie aan die geroep van ’n drywer nie.
11. Hy wei in die berge op soek na groen gras.
12. “Sal die buffel bereid wees om in jou diens te staan? Sal hy in die nag op stal bly staan?
13. Kan jy hom inspan en ’n harnas aansit?Sal hy bereid wees om vir jou ’n veld te ploeg?
14. Hy is baie sterk,maar kan jy op hom vertrouom jou werk vir jou te doenas jy weggaan?
15. Kan jy op hom vertrou om jou graan huis toe te bring?Sal hy dit op jou dorsvloer neersit?