1. Nadat koning Hiskia die verslag gehoor het, het hy sy klere geskeur en rouklere aangetrek. Hy het na die tempel van die Here gegaan om te bid.
2. Hy stuur toe Eljakim, die administrateur van die paleis, Sebna, die hof se sekretaris en die leierpriesters na die profeet Jesaja seun van Amos. Hulle het almal rouklere aangehad.
3. Hulle het vir Jesaja gesê: “So sê koning Hiskia: Dit is ’n dag waarop ons in die moeilikheid is. Ons is beledig en verneder. Ons is soos wanneer ’n kind gebore moet word, maar die ma het nie die krag daarvoor nie.
4. Miskien het die Here u God gehoor hoe die verteenwoordiger van die Assiriese koning die lewende God uitgetart het, en sal Hy hom straf oor sy woorde. Bid tog vir ons klein groepie wat nog oor is.”
5. Nadat koning Hiskia se amptenare die koning se boodskap aan Jesaja oorgedra het,
6. het die profeet geantwoord: “Sê vir julle meester: ‘So sê die Here: Moenie jou ontstel oor die godslasterlike woorde wat die Assiriese koning se boodskappers teen My geuiter het nie.
7. Luister! Ek gaan seker maak dat die koning ’n gerug kry uit Assirië sodat hy huis toe moet gaan. En Ek sal maak dat hy huis toe wil gaan. Daar sal Ek hom met ’n swaard laat doodmaak.’”
8. Intussen het die Assiriese verteenwoordiger Jerusalem verlaat en teruggegaan om by die koning te kom. Die koning is van Lakis af weg. Hy het Libna aangeval.
9. Kort daarna het koning Sanherib gehoor dat koning Tirhaka van Etiopië ’n groot mag gelei het om die Assiriërs te kom aanval. Voor die koning van Assirië vertrek het om die aanval af te weer, het hy hierdie boodskap na Hiskia in Jerusalem gestuur:
10. “Hierdie boodskap is vir koning Hiskia van Juda: Moenie dat jou God op wie jy vertrou, jou om die bos lei met beloftes dat Jerusalem nie deur die koning van Assirië oorwin sal word nie.
11. Jy weet mos wat die konings van Assirië gedoen het in die een land na die ander. Hulle het almal platgeloop wat in hulle pad gestaan het. Sal jy dan gered word?
12. Het die gode van ander nasies hulle gered, nasies soos Gosan, Haran, Resef en die mense van Eden wat in Telassar was? Die vorige konings van Assirië het hulle almal uitgewis!
13. En wat het met die koning van Hamat en die koning van Arpad gebeur? Wat het gebeur met die konings van Sefarwajim, Hena en Awwa?”
14. Nadat Hiskia die briewe ontvang het en dit gelees het, het hy na die tempel van die Here gegaan. Hy het die briewe voor die Here oopgesprei.
15. Toe het hy hierdie gebed voor die Here gebid:
16. “Here, Almagtige, God van Israel, u troon is tussen die magtige gerubs! U alleen is God oor al die koninkryke van die aarde. U alleen het die hemele en die aarde geskep.
17. Hoor tog, Here, luister tog! Open u oë, Here, en kyk! Luister hoe Sanherib die lewende God uitgetart het.
18. “Dit is so, Here, dat die konings van Assirië al hierdie nasies en hulle lande verwoes het, net soos die boodskap sê.
19. “Hulle het inderdaad die gode van hierdie nasies in die vuur gegooi en dit verbrand. Natuurlik kon die Assiriërs dit vernietig! Want dis nie gode nie, slegs beelde van hout en steen wat mense se hande gemaak het!
20. “Here ons God, red ons tog uit sy hand. Dan sal al die koninkryke van die aarde weet dat U alleen, Here, God is.”
21. Jesaja seun van Amos het toe hierdie boodskap na Hiskia gestuur: “So sê die Here, die God van Israel: Dis my antwoord op jou gebed oor koning Sanherib van Assirië.
22. Dit is die boodskap wat die Here oor Sanherib sê: “Die jong meisie van Sion sien neer op jou. Sy lag oor jou.Die dogter van Jerusalem spot, sy skud haar kop as jy weghardloop.
23. Vir wie dink jy het jy beledig en bespot? Teen wie het jy jou stem verhef? En na wie het jy ewe hoogmoedigneerhalend verwys?Dit was die Heilige van Israel!
24. Deur jou boodskappers het jy met die Here gespot.Jy het gesê: ‘Met my baie strydwaens het ek die hoogste berge oorwin,ja, selfs die hoogste pieke van die Libanon.Ek het sy hoogste seders en sy mooiste sipresse afgekap. Ek het tot in die verste uithoeke en die diepste woude gegaan.
25. Ek het putte gegrawe in talle veraf lande.En ek het my verfris met hulle water.Ek het selfs die riviere van Egipte drooggelê sodat my soldatedaar kon deurtrek!’
26. “Het jy dan nie geluister nie? Dit was Ék, die Here, wat so besluit het, lank gelede al.Lank terug het Ek beplan wat Ek nou laat gebeur:dat jy versterkte stede verwoes en in puinhope verander.
27. Dis hoekom hulle inwoners so magteloos was.Daarom was hulle maklike prooi vir jou.Hulle is so hulpeloos soos die gras, hulle vertrap so maklik soos groen spruite.Hulle is soos gras op ’n huis se dak wat maklik deur die son verskroei word.
28. “Ek ken jou baie goed.Ek weet of jy sitof gaan of kom.Ek weet ook hoe jy teen My tekere gegaan het.
29. Oor jou arrogansie teen My, wat Ek self gehoor het, sit Ek ’n haak deur jou neus.Ek sit ’n stang tussen jou tande.Ek laat jou teruggaan op die pad waarlangs jy gekom het.
30. “Hiskia, vir jou gee Ekdie volgende teken: “Hier is die bewys dat die Herehierdie stad sal bewaar:“Vanjaar sal julle eet wat vanself opkom.Volgende jaar sal julle eet wat vanself opkom.Maar in die derde jaar sal julle saai en oes.Julle sal wingerde bewerk en druiwe eet.
31. Dié in Juda wat die beleg oorleef het, sal weer wortelskiet en vrugte dra.
32. Want uit Jerusalem sal ’n oorblyfsel kom en uit Sionsberg ’n groep oorlewendes.Die ywer van die Here,die Almagtige,sal daarvoor sorg.
33. “So sê die Hereoor die koning van Assirië:“‘Hy sal nie in hierdie stad inkom om ’n pyl af te skiet nie.Hy sal nie skilde teen die stad gebruik of beleëringswalle daarteen opgooi nie.
34. Met die pad waarlangs hy gekom het, sal hy teruggaan en nie die stad binnekom nie.’Dit sê die Here.
35. ‘Hierdie stad sal Ek beskerm en dit red ter wille van my eer en ter wille van my dienaarDawid.’”
36. Daardie nag het die engel van die Here na die Assiriese kamp toe ge-gaan. Hy het 185 000 Assiriese soldate doodgemaak. Toe die Assiriërs die môre vroeg opstaan, was daar oral net lyke!
37. Toe het koning Sanherib van Assirië kamp opgeslaan. Hy het teruggegaan na Nineve toe en daar gebly.
38. Eendag terwyl hy in die tempel van sy god Nisrok aanbid het, het sy seuns Adrammelek en Sareser hom met hulle swaarde vermoor. Hulle het na Ararat toe gevlug. ’n Ander seun, Esarhaddon, het die volgende koning van Assirië geword.