1. Toe Jesus van die berg af kom, het ’n groot skare Hom gevolg.
2. Daar kom toe onverwags ’n man met ’n ernstige velsiekte nader en val voor Jesus neer met die woorde: “Here, as U wil, kan U my gesond maak.”
3. Daarop steek Jesus sy hand na hom toe uit, raak hom aan en sê: “Ek wil dit vir jou doen. Word gesond!” En dadelik het sy velsiekte verdwyn.
4. Jesus sê toe vir hom: “Sorg dat jy dit vir niemand vertel nie. Maar gaan wys vir die priester dat jy gesond is, en bring die offer wat Moses voorgeskryf het. “So sal jy vir almal duidelik bevestig dat jy gesond geword het.”
5. Toe Hy in Kapernaum aankom, kom pleit daar ’n Romeinse offisier oor honderd by Hom:
6. “Here, my slaaf lê verlam by my huis en hy verduur verskriklike pyn.”
7. Jesus sê vir hom: “Ek sal hom kom gesond maak.”