hoofstukke

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24

Ou Testament

Nuwe Testament

Y'hoshua 22 Die Pad van Waarheid tot die Lewe (PWL)

1. Toe het Y’hoshua die Re’uveniete, die Gadiete en die halwe stam van M’nasheh laat roep

2. en vir hulle gesê: “Julle het alles onderhou wat Moshe, die kneg van יהוה, julle beveel het en julle het na my stem geluister in alles wat ek julle beveel het.

3. Julle het nie jul broers in die steek gelaat nie, al hierdie dae tot vandag toe, maar julle het die opdragte van יהוה, julle God, gehou.

4. Nou het יהוה, julle God, jul broers rus gegee, soos Hy vir hulle gesê het; daarom, draai nou om en gaan na julle tente toe, na die land van julle besitting wat Moshe, die kneg van יהוה, julle oorkant die Yarden gegee het.Deut 6:4-8; Mat 22:37-40; Yog 7:19; Hand 24:14; Hand 25:8

5. Wees net baie versigtig om die opdragte en die wet, wat Moshe, die kneg van יהוה, julle beveel het, te onderhou, om יהוה, julle God, lief te hê en in al Sy paaie te loop en Sy opdragte te onderhou en aan Hom vas te hou en Hom te dien met julle hele verstand, wil en emosie en met julle hele gees.”

6. So het Y’hoshua hulle geseën en hulle weggestuur en hulle het na hul tente toe gegaan.

7. Aan die een helfte van die stam van M’nasheh het Moshe in Bashan ’n erfenis gegee, maar aan die ander helfte daarvan het Y’hoshua ’n deel gegee saam met hulle broers, weswaarts anderkant die Yarden. Toe Y’hoshua hulle weggestuur het na hul tente toe, het hy hulle geseën

8. en vir hulle gesê: “Gaan terug na julle tente met groot rykdomme en ’n menigte van vee, met silwer, goud, koper, yster en baie klere; deel die buit van julle vyande met julle broers.”

9. Die seuns van Re’uven, die seuns van Gad en die halwe stam van M’nasheh het teruggegaan huis toe en weggetrek van die seuns van Yisra’el af, by Shiloh wat in die land Kena’an lê, om na die land Gil’ad te gaan, na die land van hulle besitting wat hulle in besit geneem het, volgens die bevel van יהוה, deur Moshe.

10. Toe hulle kom by die streek van die Yarden, wat in die land Kena’an lê, het die seuns van Re’uven, die seuns van Gad en die halwe stam van M’nasheh daar ’n altaar gebou by die Yarden, ’n altaar groot van aansien.

11. Die seuns van Yisra’el het gehoor dat dit gesê word: “Let op, die seuns van Re’uven, die seuns van Gad en die halwe stam van M’nasheh het ’n altaar gebou op die grens van die land Kena’an, in die streek van die Yarden, aan die kant wat behoort aan die seuns van Yisra’el.”

12. Toe die seuns van Yisra’el dit hoor, het die hele vergadering van die seuns van Yisra’el bymekaargekom in Shiloh om teen hulle op te trek in oorlog.

13. Toe het die seuns van Yisra’el vir Pingas, die seun van El’azar, die priester, na die seuns van Re’uven, die seuns van Gad en die halwe stam van M’nasheh, in die land van Gil’ad gestuur

14. en tien leiers saam met hom, een leier vir elke vader se familie, van elkeen van die stamme van Yisra’el en hulle was elkeen die familiehoof van die stamme van Yisra’el.

15. Hulle het by die seuns van Re’uven, die seuns van Gad en die halwe stam van M’nasheh in die land Gil’ad gekom en met hulle gepraat en gesê:

16. “So sê die hele vergadering van יהוה: ‘Wat is hierdie ontrou daad wat julle begaan het teen die God van Yisra’el, dat julle vandag weggedraai het daarvan om יהוה te volg deur vir julle ’n altaar te bou, deur vandag teen יהוה te rebelleer?

17. Is die boosheid by P’or vir ons nog nie genoeg nie; waarvan ons tot vandag toe ons nie gereinig het nie, alhoewel ’n plaag oor die vergadering van יהוה gekom het;

18. as julle vandag wegdraai daarvan om יהוה te aanbid, as julle vandag teen יהוה rebelleer sal Hy môre woedend wees met die hele vergadering van Yisra’el.

19. As die land van julle besitting egter onrein is, trek dan oor na die land van die besitting van יהוה, waar die tabernakel van יהוה staan en neem besit onder ons. Moet net nie teen יהוה rebelleer nie, of teen ons rebelleer deur vir julleself ’n altaar te bou, naas die altaar van יהוה, ons God, nie.

20. Het `Akhan, die seun van Zerag, nie ontrou gehandel teenoor die bangoed en die toorn het oor die hele vergadering van Yisra’el gekom nie? Daardie man het nie alleen in sy boosheid omgekom nie.’”

21. Toe het die seuns van Re’uven, die seuns van Gad en die halwe stam van M’nasheh geantwoord en aan die stamhoofde van Yisra’el gesê:

22. “Die Magtige God, יהוה, die Magtige God, יהוה! Hy weet en mag Yisra’el self weet: as dit in rebellie of deur ’n ontrou daad teen יהוה was, moet ons nie op dié dag red nie!

23. As ons vir ons ’n altaar gebou het om van יהוה af weg te draai, of as dit was om ’n brandoffer of graanoffer op te bring, of om daarop vredesoffers te bring, mag יהוה self dit opeis,

24. maar waarlik, ons het dit uit respekvolle vrees vir Hom gedoen en gesê: ‘In die toekoms sou julle seuns vir ons seuns sê: “Wat het julle te doen met יהוה, die God van Yisra’el?

25. יהוה het die Yarden ’n grens gemaak tussen ons en julle, seuns van Re’uven en seuns van Gad; julle het geen deel in יהוה nie?” So sal julle seuns maak dat ons seuns יהוה nie meer vrees nie.’

26. Dit is daarom dat ons gesê het: ‘Laat ons ’n altaar bou, nie vir brandoffers of vir offers nie,

27. maar dit sal eerder ’n getuie wees tussen ons en julle en ons geslagte ná ons dat ons die diens van יהוה moet uitvoer voor Hom met ons brandoffers, ons offers en ons vredesoffers sodat julle seuns nie in die toekoms vir ons seuns kan sê: ‘Julle het geen deel in יהוה nie.’

28. Ons het daarom gesê: ‘Dit sal ook gebeur as hulle dit in die toekoms aan ons en ons geslagte sou sê, sal ons sê: “Kyk na die model van die altaar van יהוה wat ons vaders gemaak het, nie vir brandoffers of vir offers nie, maar eerder as ’n getuie tussen ons en julle.”’

29. Dit is ver van ons dat ons sou rebelleer teen יהוה en op die dag wegdraai daarvan om יהוה te volg, deur ’n altaar te bou vir brandoffers, graanoffers en offers, naas die altaar van יהוה, ons God, wat voor Sy tabernakel staan.”

30. Toe Pingas, die priester en die leiers van die vergadering, die stamhoofde van Yisra’el wat saam met hom was, die woorde hoor wat die seuns van Re’uven, die seuns van Gad en die seuns van M’nasheh gesê het, het dit hulle tevredegestel.

31. Pingas, die seun van El’azar, die priester, sê vir die seuns van Re’uven, die seuns van Gad en die seuns van M’nasheh: “Vandag weet ons dat יהוה in ons midde is omdat julle nie hierdie daad van ontrou teen יהוה begaan het nie; nou het julle die seuns van Yisra’el bevry uit die hand van יהוה.”

32. Toe het Pingas, die seun van El’azar, die priester en die leiers teruggekeer vanaf die seuns van Re’uven en die seuns van Gad uit die land Gil’ad na die land Kena’an, na die seuns van Yisra’el en vir hulle die boodskap gebring.

33. Die boodskap het die seuns van Yisra’el bly gemaak en die seuns van Yisra’el het God geprys en hulle het nie gepraat daarvan om teen hulle op te trek in oorlog, om die land waarin die seuns van Re’uven en die seuns van Gad gebly het, te verwoes, nie.

34. Die seuns van Re’uven en die seuns van Gad het die altaar “`Ed” (Getuie) genoem, want “dit is getuie tussen ons dat יהוה God is.”