1. “Wat jou betref, hef ’n klaaglied op vir die prinse van Yisra’el,
2. en sê: ‘Wat was jou moeder? ’n Leeuin tussen die leeus! Sy het tussen jong leeus gelê, sy het haar kleintjies grootgemaak.
3. Wanneer sy een van haar kleintjies grootgemaak het, het hy ’n leeu geword en hy het geleer om sy prooi te verskeur, hy het mense geëet.2 Kon 23:30-34
4. Toe het nasies van hom gehoor; hy is in hulle vangkuil gevang en hulle het hom met hake na die land van Mitzrayim gebring.
5. Toe sy sien, terwyl sy wag, dat haar hoop verlore is, het sy ’n ander een van haar kleintjies gevat en hom ’n jong leeu gemaak.
6. Hy het rondgeloop tussen die leeus; hy het ’n jong leeu geword en geleer om sy prooi te verskeur; hy het mense geëet.
7. Hy het hulle versterkte torings vernietig en hulle stede verwoes; die land en sy volheid was verskrik as gevolg van die klank van sy gebrul.
8. Toe het nasies uit die provinsies rondom hom hulle teen hom opgestel en hul net oor hom uitgesprei; hy is in hulle vangkuil gevang2 Kon 23:34-24:17
9. en hulle het hom in ’n hok gesit aan hake en hom na die koning van Bavel gebring; hulle het hom in vestings gebring sodat sy stem nie meer gehoor sou word op die berge van Yisra’el nie.
10. Jou moeder was soos ’n wingerdstok in jou rustige tyd; by waters is dit geplant; dit was vrugbaar en vol ranke vanweë die baie waters
11. en dit het sterk takke gekry om as septers vir heersers te dien en sy top was hoog tussen die digte takke in en dit het hom vertoon in sy hoogte, in die menigte van sy ranke,
12. maar dit is in woede uitgeruk en teen die grond gegooi en die oostewind het sy vrugte uitgedroog; sy sterk lote is afgeruk en het verdroog; die vuur het dit verteer.
13. Nou is dit in die woestyn geplant, in ’n dor en dorstige land.Yir 36:30 ’n Klaaglied is dit en ’n klaaglied het dit geword.
14. Vuur het uitgegaan uit sy beste takke en sy vrugte verteer en geen sterk tak is daarin gevind om die septer van ’n heerser te word nie.