1. ’n Gebed van Dawid. Draai U oor na my, o יהוה, hoor my, want ek is arm en behoeftig.
2. Bewaar my lewe, want U is afgesonderd; o my God, red U dienskneg wat in U vertrou.
3. Wees my goedgunstig, o יהוה, want ek roep elke dag na U.
4. Verbly die lewe van U dienskneg, want tot U, o יהוה, lig ek my lewe op,
5. want U, o יהוה, is goed en U liefdevolle goedheid is oorvloedig vir almal wat U aanroep.
6. Luister na my gebed, o יהוה en gee aandag aan die stem van my smekinge.
7. In die dag van my moeilikheid het ek na U geroep en U het my geantwoord.
8. Daar is niemand soos U, o יהוה my God en daar is geen dade soos U s’n nie.
9. Al die nasies wat deur U gemaak is, sal kom en voor U neerbuig, o יהוה en U volle Karakter en Outoriteit (Naam) loof en eer,Open 15:3
10. want U is groot en doen wonderlike dinge; U alleen is God.
11. Wys my U lewenswyses, ek sal in U waarheid lewe; my verstand, wil en emosie sal bly wees saam met hulle wat U Naam (Karakter en Outoriteit) aanbid.
12. Ek sal U loof en dank met uitgestrekte hande, o יהוה, my God, met my hele verstand, wil en emosie en ek sal U Naam (Karakter en Outoriteit) vir ewig loof, eer en aanbid,
13. want U liefdevolle goedheid is groot teenoor my en U het my lewe uit die dieptes van Sh’ol bevry.
14. O God, die bose het teen my opgestaan en die vergadering van gewelddadige manne soek my lewe en hulle dink nie aan U nie,
15. maar U, o יהוה-God, is vol liefdevolle omgee en onverdiende guns, lankmoedig en oorvloedig in goedheid en waarheid.
16. Draai na my toe en bewys aan my onverdiende guns; gee krag aan U dienskneg en red die seun van U diensmaagd.
17. Wys aan my ’n teken ten goede sodat hulle wat my haat dit kan sien en beskaamd kan staan omdat U, o יהוה, my gehelp en vertroos het.
Lees volledige hoofstuk Psalms 86