1. ’n Lied, ’n gedig van Asaf, met instrumentale musiek. 2 O God, wie is soos U? Moenie swyg en stil wees nie, o God,
2. want let op, U vyande is rasend en hulle wat U haat het hulle kop opgelig teen U volk.
3. Hulle het listige raad geneem en het beraadslaag teen hulle wat deur U gekies is.
4. Hulle het gesê: “Kom, laat ons hulle vernietig vanuit tussen die nasies sodat die naam van Yisra’el nie meer onthou word nie,
5. want hulle het saamgestem met een verstand, wil en emosie; hulle het saamgestaan teen U:
6. die tente van Edom en die Yishma’eliete, Mo’av en die Hagrimiete,
7. G’val, `Ammon en `Amalek, P’leshet saam met die inwoners van Tzor.
8. Ashur het ook by hulle aangesluit; hulle help die seuns van Lot.Rig 4:7,17
9. Doen aan hulle soos aan Midyan, soos met Sisra en Yavin by die vallei van Kishon,
10. wat vernietig is by `Ein-dor; hulle het soos mis geword vir die grond.
11. Vernietig hulle edeles, soos `Orev en Ze’ev; ja al hulle prinse soos Zevag en Tzalmuna,
12. want hulle het gesê: “Laat ons die stad van God vir onsself erf!
13. O, my God, maak hulle soos ’n draaiende wiel en soos stoppels voor die wind.
14. Soos vuur ’n bos brand en soos die vlam die berge aan die brand steek;