6. God plaas heeltemal alleen kinders in ’n huisgesin; Hy bevry die wat met kettings gebind is in oorwinning, maar die wat rebels is, bly in ’n geskroeide land.
7. O God, toe U wel uitgetrek het voor U volk, toe U wel deur die wildernis marsjeer het,
8. het die aarde geskud en die hemele neergebuig voor die Teenwoordigheid van God; selfs Sinai self is beweeg voor die Teenwoordigheid van God, die God van Yisra’el!
9. U, o God, het ’n oorvloedige reën gestuur waardeur U U erfenis bevestig het toe dit moeg was.
10. U lewende wesens het daarin gewoon; U, o God, het deur U goedheid vir die armes voorsien!
11. יהוה sal goeie boodskappe bring met baie krag,
12. dan sal die konings van die leërmagte verslaan word en die huishouding van God sal die buit verdeel.
13. Alhoewel julle slaap tussen die dorings, nogtans sal julle beskermd wees, soos met die vlerke van ’n duif wat oordek is met silwer en haar vere met geel goud.
14. Toe die Almagtige (Shaddai) ’n koning oor Tziyon aangestel het, het dit wit geword soos sneeu
15. oor Tzalmon, oor die berg van God, oor die berge van Bashan en oor die bergtoppe.Yeg 43
16. Wat wil julle hê, o julle berge van Bashan? Hierdie is die bergtop waarop God begeer om te bly; ja, יהוה sal vir ewig daarop bly.
17. God ry saam met die menigte van engele; יהוה is tussen hulle, soos in Sinai, in Sy Afgesonderde Plek.Efe 4:8 U het mense geseën met geskenke, maar rebelse manne sal nie in die Teenwoordigheid van Yah bly nie!
18. U het opgestyg na bo, U het gevangenes weggedra,
19. Geseënd is יהוה, want Hy het ons gekies as Sy erfenis, ja God van ons verlossing!
20. Hy wat ons God is, is die God van verlossing, יהוה-God wat die mag van lewe en dood het.
21. God sal egter die kop van Sy vyande afkap, die harige skedel van hulle wat in hulle sonde volhard.
22. יהוה het gesê: “Ek sal My volk red van die kranse, Ek sal My volk bring vanuit die dieptes van die see
23. sodat jou voet, asook die tonge van jou honde, gedoop kan word in die bloed van jou vyande.
24. Hulle het U prosessies gesien, o God, die prosessies van my God en my afgesonderde Koning.