1. ’n Gedig van Dawid, met instrumentale musiek, toe hy gevlug het voor sy seun Avshalom. O יהוה, hoe het my teëstanders vermenigvuldig! Baie staan teen my op.
2. Baie sê van my lewe: “Daar is geen bevryding vir hom in God nie.”
3. U, יהוה, is egter ’n Skild rondom my, my lof, eer en aanbidding en die Een wat my kop oplig.
4. Ek het uitgeroep na יהוה met my stem en Hy het my geantwoord vanaf Sy afgesonderde berg.
5. Ek lê en het geslaap; ek het wakker geword, want יהוה ondersteun my.
6. Ek sal nie bang wees vir tien duisende van mense wat hulleself rondom my opgestel het nie.
7. Staan op, יהוה, red my, o my God, want U het al my vyande op die wang geslaan; U het die tande van die wetsoortreders stukkend gebreek.
8. Verlossing behoort aan יהוה; laat U seën op U volk wees!
Lees volledige hoofstuk Psalms 3