1. Vir die musiekleier; op die wysie van: Aiyeleth Hashshahar (Die hert-ooi van die sonsopkoms): ’n gedig van Dawid, met instrumentale musiek.Mat 27:46; Mar 15:34
2. My Magtige God, my Magtige God, waarom het U my verlaat, my verlossing is ver van my as gevolg van die woorde van my dwaasheid.
3. My God, ek roep bedags, maar U antwoord my nie en snags, maar U bly nie by my nie.Lev 19:2
4. Tog is U die Afgesonderde en Yisra’el bly onder U Gemanifesteerde Teenwoordigheid!
5. Op U het ons vaders vertrou; hulle het vertrou en U het hulle bevry.
6. Hulle het na U toe uitgeroep en is bevry; in U het hulle vertrou en is nie teleurgestel nie,
7. maar ek is ’n wurm en nie ’n man nie, ’n bespotting van die mense en verag deur die volk.Mat 27:39,43; Mar 15:29-31; Luk 23:35
8. Almal wat my sien, spot met my; hulle skiet uit met hulle lippe en skud hulle koppe en sê:
9. “Hy het in יהוה vertrou, laat Hy hom bevry; laat Hy hom verlos, want Hy is tevrede met hom!”
10. Want U is my Vertroue sedert ek uit die baarmoeder gekom het en my Versekerde Verwagting sedert ek aan my moeder se bors was.
11. Ek is onder U sorg geplaas van die baarmoeder af; van die skoot van my moeder af is U my God.
12. Wees nie ver van my af nie, want moeilikheid is naby, want daar is niemand om te help nie.