97. Hoe lief het ek U wet, dit is die hele dag lank my oordenking.
98. Maak my wyser as my vyande, want ek het U opdragte gehoorsaam.
99. Gee my meer begrip as al my leermeesters, want U getuienisse is my oordenking.
100. Ek verstaan meer as die oudstes, want ek hou U instruksies.
101. Ek het my voete weerhou van elke bose pad sodat ek U opdragte mag doen.
102. Ek het nie van U oordele afgewyk nie, want U het my geleer.Yeg 3:3
103. Hoe soet is U boodskappe om te proe, soeter as heuning in my mond.
104. Deur U instruksies kry ek verstand; daarom haat ek die lewenswyse van die bose.
105. U boodskap is ’n lamp vir my voet en ’n lig op my pad.
106. Ek het gesweer en ek sal dit doen, om U regverdige oordele te hou.
107. Ek is baie verdruk; wek my op, o יהוה, volgens U boodskap!
108. Wees bly oor die woorde van my mond, o יהוה en leer my U uitsprake.Spr 4:13
109. My lewe is voortdurend in U hande; ek vergeet nie U wet nie.
110. Sondaars het ’n strik vir my gespan; tog het ek nie afgewyk van U opdragte nie.
111. Ek het U getuienisse vir ewig as ’n erfenis geneem, want hulle is die vreugde van my verstand, wil en emosie.
112. Ek het my verstand, wil en emosie daarop gerig om U instellings waarlik te doen, selfs tot die einde toe.Spr 4:14-27
113. Ek haat die bose, maar U wet het ek lief.
114. U is my Skuilplek en my Skild; my versekerde verwagting is in U boodskap.
115. Gaan weg van my, julle boosdoeners, sodat ek die opdragte van my God kan uitvoer!