1. Dit het gebeur, ná die plaag, dat יהוה met Moshe en met El’azar, die seun van Aharon, die priester, gepraat en gesê het:
2. “Tel die volle getal van die hele vergadering van die seuns van Yisra’el per kop, van twintig jaar oud en ouer, volgens hulle vaders se huise, almal wat in staat is om oorlog toe te gaan in Yisra’el.”
3. Moshe en El’azar, die priester, het met hulle gepraat in die vlaktes van Mo’av, by die Yarden, oorkant Yerigo en gesê:
4. “Tel van twintig jaar oud en ouer, soos יהוה vir Moshe beveel het.” Die seuns van Yisra’el wat uit Mitzrayim uitgetrek het, was:
5. Re’uven, die eersgeborene van Yisra’el. Die seuns van Re’uven was: van Hanokh, die familie van die Hanokhiete; van Pallu, die familie van die Pallu’iete;
6. van Hetzron, die familie van die Hetzroniete; van Karmi, die familie van die Karmiete.
7. Hierdie is die families van die Re’uveniete en die van hulle wat getel is, was drie en veertig duisend sewe honderd en dertig (43 730).