1. Toe Sanvallat, Toviyah en Geshem, die Arabier en ons ander vyande die nuus hoor dat ek die muur gebou het en dat daar geen opening in oorgebly het nie, alhoewel ons in dié tyd nog nie die deure in die poorte gesit het nie,
2. het Sanvallat en Geshem na my gestuur en gesê: “Kom laat ons bymekaarkom as ’n groep in die vlakte van Ono,” maar hulle het gedink om my kwaad aan te doen.
3. Ek het ’n boodskapper na hulle gestuur om te sê: “Ek doen ’n groot werk sodat ek nie kan afkom nie, anders gaan die werk staan as ek dit verlaat om na julle toe te kom.”
4. Hulle het egter vier keer op dié manier na my toe gestuur en ek het hulle op dieselfde manier geantwoord.
5. Toe stuur Sanvallat sy dienskneg op dieselfde manier na my toe vir die vyfde keer met ’n brief in sy hand.