21. יהוה-God het ’n diep slaap oor die mens laat val en terwyl hy slaap, het Hy een van sy ribbebene gevat en die plek daarvan met vlees toegemaak
22. en יהוה-God het die rib wat Hy vanaf die mens gevat het gebou tot ’n vrou en haar na die mens gebring.
23. Die mens het gesê: “Eindelik is dit nou been van my been en vlees van my vlees. Sy sal vrou (ishah) genoem word, want sy is vanuit die man (ish) geneem;”
24. daarom, soos die man sy vader en moeder verlaat en sy vrou aankleef, sal hulle een vlees wees.Mat 19:5; Mar 10:8; Efe 5:31
25. Hulle was altwee naak, die mens en sy vrou, maar hulle was nie skaam daaroor nie.