1. יהוה het met Moshe gepraat en gesê:
2. “Praat met die seuns van Yisra’el dat hulle aan My ’n bydrae moet bring; vanaf elkeen wat met ’n gewillige hart gee, moet julle My offer ontvang.
3. Dit is die bydrae wat julle van hulle af moet vat: goud, silwer en koper;
4. blou, pers en bloedrooi stowwe, wit geweefde linne en bokhaar;
5. rooigekleurde ramsvelle, dugongvelle en akasiahout;
6. olie vir beligting, speserye vir die salfolie en vir die aromatiese reukwerk;
7. oniksstene en stene om in te lê vir die skouerstuk en die borsplaat.
8. Hulle moet ook vir My ’n afgesonderde plek maak sodat Ek tussen hulle kan bly.