3. in Hom in Wie al die skatte van wysheid en kennis weggesteek is.
4. Dit sê ek sodat niemand julle mag mislei met die oortuiging van woorde nie.
5. Alhoewel ek ook liggaamlik afwesig is, is ek by julle in die gees en ek verbly my om julle goeie orde te sien en die standvastigheid van julle vertroue in Die Gesalfde Een.
6. Net soos julle daarom Die Gesalfde Een, Yeshua, die Meester, ontvang het, leef so in eenheid met Hom,
7. soos julle jul wortels versterk en julle opgebou word in Hom en bevestig word in vertroue. Mag julle met dankbaarheid oorvloedig wees in dit wat julle geleer het.
8. Wees versigtig dat niemand julle beroof deur filosofieë en leë misleiding nie; volgens die leringe van mense en volgens die beginsels van die wêreld en nie volgens Die Gesalfde Een nie,
9. want in Hom bly die hele volheid van wat God is gesamentlik
10. en in Hom is julle ook volledig; Hy wat die Hoof is van elke heerser en outoriteit.Deut 10:16; Deut 30:6; Yir 9:24; Yeg 44:7,9; Yo’el 2:13; Rom 2:29
11. In Hom is julle besny met ’n besnydenis wat nie met hande gedoen word nie, deur die liggaam van die sondige natuur af te lê deur die besnydenis van Die Gesalfde Een.
12. Julle is in die doop saam met Hom begrawe en in dit is julle ook saam opgewek omdat julle vertroue het in die krag van God wat Hom uit die dood uit opgewek het.