7. want uit baie van die wat onrein geeste gehad het, het die geeste uitgegaan terwyl hulle met ’n harde stem geskree het en baie wat lam en kreupel was, het gesond geword
8. en daar was groot blydskap in daardie stad.
9. ’n Sekere man, met die naam van Shim’on, het vóór dit, in die stad die mense van Shomron mislei met towery en beweer dat hy ‘Die groot god’ is.
10. Almal, van klein tot groot, het tot hom gebid en gesê: “Hy is die groot krag van God.”
11. Almal was deur hom oortuig omdat hy hulle vir ’n lang tyd deur sy towerye verstom het,
12. maar toe hulle vertrou wat Filippos verkondig het aangaande die Koninkryk van God in die Outoriteit en Karakter van ons Meester, Yeshua, Die Gesalfde Een, is hulle gedoop, manne sowel as vroue.
13. Shim’on self het ook vertrou en nadat hy gedoop is, het hy gedurig by Filippos gebly en hy was verstom en verslae toe hy die tekens en wonderwerke sien wat deur sy hand gebeur.