18. en God het op dié manier vervul wat Hy vooraf aangekondig het deur die mond van al Sy profete, dat Sy Gesalfde Een sou ly.
19. Erken julle skuld, lê dit af en draai om, terug na God toe sodat julle sondes uitgevee mag word, tye van rus vanaf die Teenwoordigheid van יהוה vir julle mag kom
20. en Hy die Een sal stuur wat vooraf vir julle voorberei is: Yeshua, Die Gesalfde Een.Yes 11:1-12
21. Die hemel moet Hom ontvang tot op die tyd van die einde van alle dinge, waarvan God van ouds af gepraat het deur die mond van al Sy afgesonderde profete,
22. want Moshe het gesê: ‘יהוה sal vir julle ’n profeet, wat net soos ek is, uit julle broers laat opstaan; luister na alles wat Hy vir julle sal sêDeut 18:15-19
23. en elke gees wat nie na dié profeet luister nie, sal vanuit die mense vernietig word.’
24. Ook het al die profete, van Sh’mu’el af en na hom, almal gepraat en ook hierdie dae aangekondig.Gen 22:18; Gen 26:4
25. Julle is kinders van die profete en van die verbond wat God met ons vaders gesluit het toe Hy vir Avraham gesê het: ‘In jou Saad sal al die families van die aarde geseën wees.’
26. God het Sy Seun eerste vir julle aangestel en gestuur as ’n Seën vir julle, as julle wegdraai van julle booshede, terug na God toe.”