18. Goeie planne kan ook op vergaderings gemaak word. Voordat jy iets aanpak, vra eers raad. Beplan dan fyn.
19. Wie loop en skinder, lap ander se geheime uit. Vermy praatkouse en skinderpraatjies.
20. Wie sy pa en sy ma seermaak of vloek, kwyn weg. God verwerp hom.
21. Wie te vroeg op sy erfporsie aandring, het niks vir sy oudag nie.
22. Moenie jou wreek oor kwaad wat jou aangedoen is nie. Los dit liewer vir die Here. Hy sal jou help.
23. Die Here haat kullery, winkels wat swak produkte ten duurste verkoop, firmas wat mense uitbuit.
24. Niemand weet wat môre gaan gebeur nie. Wie egter naby die Here leef, sal weet wat om te doen.
25. Pas op wat jy vir die Here sê. Moenie in nood iets aan Hom beloof wat jy nie kan doen nie.
26. ’n Sterk leier vat bedrieërs vas. Hy stop wanpraktyke en straf korrupsie.