1. Presies drie maande nadat die Israeliete weggegaan het uit Egipte, het hulle in die Sinai-woestyn gekom.
2. Nadat hulle weggegaan het van Refidim, het hulle in die Sinai-woestyn gekom en hulle het daar by die berg hulle tente opgeslaan.
3. Moses het teen die berg opgegaan na God toe. Die Here het van die berg af na Moses geroep en Hy het gesê Moses moet vir die nageslag van Jakob, die Israeliete, sê:
4. “Julle het self gesien wat Ekmet die Egiptenaarsgedoen het.Ek het julle beskerm en gedrasoos ’n arend haar kleintjiesop haar vlerke dra.Ek het julle na My toe gebring.
5. As julle nou gehoorsaam isen doen wat Ek sê,en as jullemy verbond hou,dan sal julle my eie volk wees,want die hele aarde is Myne.
6. Julle sal die priesters weesoor wie Ek regeer,’n gewyde volk.Dit is wat jy vir die Israelietemoet sê.”
7. Moses het afgekom van die berg en hy het die leiers van die Israeliete geroep. Hy het alles vir hulle vertel wat die Here vir hom gesê het.
8. Al die mense het saamgestem en gesê: “Ons sal alles doen wat die Here gesê het.”Moses het vir die Here gaan vertel wat die volk gesê het.
9. Die Here het vir Moses gesê: “Ek sal na jou toe kom in ’n donker wolk sodat die mense kan hoor wanneer Ek met jou praat. Dan sal hulle jou altyd glo.”Toe het Moses vir die Here vertel wat die volk gesê het.
10. Die Here het vir Moses gesê: “Gaan na die volk toe. Reinig hulle vandag en môre en sê hulle moet hulle klere was.
11. Hulle moet oormôre gereed wees, want Ek sal oormôre afkom op Sinai-berg. Almal sal My daar sien.
12. Maar jy moet vir die mense sê tot waar hulle mag gaan. Hulle mag nie teen die berg opgaan of aan sy kant raak nie. As iemand aan die berg raak, dan moet hy sterf.
13. Die ander mense mag nie met hulle hande raak aan iemand wat dit gedoen het nie. Hulle moet hom met klippe doodgooi of met ’n pyl en boog doodskiet. Julle moet dieselfde doen met ’n dier wat aan die berg raak, hy mag ook nie lewe nie. Maar wanneer die mense hoor dat iemand die ramshoring blaas, dan mag hulle opgaan teen die berg.”
14. Moses het afgekom van die berg en hy het na die mense toe gegaan. Hy het hulle gereinig en gesê hulle moet hulle klere was.
15. Hy het vir die mense gesê: “Julle moet oormôre gereed wees, en julle moenie by ’n vrou slaap nie.”
16. Op die derde dag, toe dit oggend word, was daar donderweer en weerlig en ’n donker wolk op die berg. Die Israeliete het gehoor iemand blaas die ramshoring baie hard. Almal in die kamp was baie bang en hulle het gebewe.
17. Moses het die mense uit die kamp gebring om God te ontmoet, en hulle het by die voet van die berg gaan staan.
18. Die hele Sinai-berg was vol rook omdat die Here in ’n vuur afgekom het op die berg. Die rook het in die lug opgetrek soos die rook van ’n oond, en die hele berg het baie gebewe.
19. Die ramshoring het aangehou raas, en die geraas het baie hard geword. Moses het gepraat, en God het hom geantwoord, sy antwoord was soos donderweer.
20. Die Here het afgekom op Sinai-berg. Hy was op die berg en Hy het vir Moses na Hom toe geroep. Moses het gegaan,
21. en die Here het vir hom gesê: “Gaan af en waarsku die mense. Sê hulle moenie opklim na My toe nie. Die mense wat na My kyk, sal sterf.
22. Ook die priesters wat vir My offers bring, moet hulleself reinig, anders sal Ek hulle laat sterf.”
23. Moses het vir die Here gesê: “Die mense mag nie opgaan teen Sinai-berg nie. U het ons gewaarsku om nie op te gaan teen die berg nie, want die berg is gewyd.”
24. Die Here het vir Moses gesê: “Gaan nou af en bring vir Aäron saam met jou terug. Maar die priesters en die ander mense mag nie opklim na My toe nie, want dan sal Ek hulle laat sterf.”
25. Moses het toe afgegaan na die mense toe en hy het alles vir hulle vertel.