hoofstukke

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34

Ou Testament

Nuwe Testament

Deuteronomium 29 Bybel vir Almal (ABA)

Die verbond in die land Moab

1. Die Here het by Horeb-berg ’n verbond gemaak met die Israeliete. Maar die Here het vir Moses gesê hy moet ook in die land Moab ’n verbond maak met die Israeliete. Hier is die woorde van die verbond:

2. Moses het al die Israeliete geroep en vir hulle gesê: “Julle het alles gesien wat die Here in die land Egipte gedoen het aan die farao en sy amptenare en sy hele land.

3. Julle het gesien dat die Here die Egiptenaars baie swaar laat kry het toe Hy sy tekens en wonderwerke gedoen het.

4. Maar tot nou toe het die Here nie vir julle gehelp om alles te verstaan wat julle gesien en gehoor het nie.

5. Die Here sê: ‘Ek het julle 40 jaar lank deur die woestyn gelei. Julle klere en julle skoene het nie stukkend geword nie,

6. julle het nie brood gehad om te eet en wyn om te drink nie, want julle moes leer dat Ek julle God die Here is.’

7. Toe julle op hierdie plek kom, het Sihon, koning van Gesbon, en Og, koning van Basan, gekom en hulle het ons aangeval, maar ons het hulle oorwin.

8. Ons het hulle land gevat en ons het die grond gegee vir die Ruben-stam en die Gad-stam en die halwe Manasse-stam. Die grond het toe aan hulle behoort.

9. Julle moet doen wat hierdie verbond sê sodat dit goed kan gaan met alles wat julle doen.

10. Julle staan vandag almal voor julle God die Here. Julle hoofde, julle stamleiers, julle ander leiers en voormanne, elke man van Israel,

11. julle kinders, julle vroue, die vreemdelinge wat by julle woon, julle houtkappers en julle waterdraers is almal hier.

12. Julle staan hier om ’n verbond te maak met julle God die Here en om te hoor wat die Here sê. Hy sal sê wat met julle sal gebeur as julle die verbond breek.

13. Julle staan hier omdat die Here vandag wil sê dat julle sy volk is en dat Hy julle God is soos Hy gesê het en soos Hy belowe het vir julle voorvaders Abraham, Isak en Jakob.

14. Ek maak hierdie verbond nie net met julle nie en ek sê nie net vir julle wat met julle sal gebeur as julle die verbond breek nie.

15. Ek maak hierdie verbond met almal wat hier saam met ons staan en ook met almal wat nie vandag hier saam met ons is nie.

16. Want julle weet dat ons in die land Egipte gewoon het en dat ons tussen ander volke deur gegaan het tot hier.

17. Julle het hulle lelike afgode gesien, afgode van hout en klip, silwer en goud.

18. Daar mag nie ’n man of ’n vrou of ’n familie of ’n stam wees wat vandag dink dat hulle wil weggaan van ons God die Here nie, hulle moenie dink dat hulle die gode van daardie volke sal gaan dien nie. As iemand dit dink, dan sal hy wees soos ’n wortel waaruit gifplante en wilde-als groei.

19. So iemand sal miskien hoor wat sal gebeur wanneer hy die verbond breek, maar hy is hardkoppig en hy sê: ‘Dit sal goed gaan met my, ek sal doen wat ek wil.’

20. Dan sal die Here daardie persoon nie vergewe nie, want die Here sal baie kwaad wees vir hom, en dit sal baie sleg gaan met hom, so sleg soos dit in hierdie wetboek geskryf is. Die Here sal almal op die aarde laat vergeet dat daar so iemand was.

21. Die Here sal hom apart hou, weg van al die stamme van Israel, en dit sal sleg gaan met hom, so sleg soos die Here gesê het toe Hy die verbond gemaak het, die verbond wat in hierdie wetboek geskryf is.

22. “Die volgende geslag se mense, die kinders wat ná julle sal kom, en die mense van ander volke wat uit ver lande kom, sal sien wat in hierdie land gebeur het. Hulle sal sien hoe siek die Here almal gemaak het, en dan sal hulle sê:

23. ‘Die hele land het verbrand, daar is net swael en sout, niemand saai daar iets nie, daar groei niks, daar is niks gras nie. Dit lyk soos die stede Sodom, Gomorra, Adma en Sebojim, die Here het daardie stede verwoes toe Hy kwaad geword het vir daardie mense.’

24. “Die mense van ander volke sal vra: ‘Hoekom het die Here dit gedoen met hierdie land? Hoekom was Hy so kwaad?’

25. En die ander mense sal vir hulle sê: ‘Dit is omdat die mense van die land Israel die verbond gebreek het wat hulle God die Here met hulle gemaak het toe Hy hulle uit die land Egipte gebring het.

26. Hulle het ander gode gaan dien en hulle het voor die gode gebuig, gode wat hulle nie geken het nie en wat nie húlle gode was nie.

27. Die Here het kwaad geword en Hy het met die land alles laat gebeur wat Hy in hierdie boek gesê het.

28. Hy was baie kwaad, Hy het hulle weggevat van hulle grond en Hy het hulle in ’n ander land laat woon, hulle is vandag nog daar.’

29. Ons God die Here weet die dinge wat ons nie weet nie, en ons en ons kinders weet die dinge wat Hy vir ons gesê het: Ons moet altyd alles doen wat hierdie verbond sê.”