16. Tomas, wat ook Didimus genoem is, sê toe vir die ander dissipels: “Kom ons gaan ook, sodat ons saam met Hom kan sterwe.”
17. Toe Jesus daar kom, het Hy gevind dat Lasarus al vier dae in die graf was.
18. Betanië was naby Jerusalem, omtrent drie kilometer;
19. en baie van die Jode het na Marta en Maria toe gekom om hulle oor hulle broer te troos.
20. Toe Marta hoor dat Jesus kom, het sy Hom tegemoet gegaan; maar Maria het in die huis bly sit.
21. Marta sê toe vir Jesus: “Here, as U hier was, sou my broer nie gesterwe het nie.
22. Maar selfs nou weet ek dat God U alles sal gee wat U van Hom vra.”