1. HOOR, julle seuns, na die tug van die vader, en luister om insig te leer ken;
2. want ek gee aan julle goeie lering, verlaat my onderwysing nie.
3. Want toe ek ’n seun was by my vader, teer en ’n enigste voor my moeder,
4. het hy my geleer en vir my gesê: Laat jou hart my woorde vashou; onderhou my gebooie, dan sal jy lewe.
5. Verkry wysheid, verkry insig; vergeet nie en wyk nie af van die woorde van my mond nie:
6. verlaat dit nie, dan sal dit jou bewaar; kry dit lief, dan sal dit jou bewaak.