11. Soos ’n hond wat na sy uitbraaksel teruggaan, is ’n dwaas wat sy sotheid weer ophaal.
12. Het jy ’n man gesien wat wys is in sy eie oë? Daar is meer hoop vir ’n dwaas as vir hom.
13. Die luiaard sê: Daar is ’n leeu op die pad, ’n leeu op die pleine.
14. ’n Deur draai rond op sy skarniere, so die luiaard op sy bed.
15. Het die luiaard sy hand in die skottel gesteek, hy is te moeg om dit na sy mond terug te bring.
16. Die luiaard is wyser in sy eie oë as sewe wat verstandig antwoord.
17. Hy wat ’n verbylopende hond aan die ore gryp, is een wat hom vererg oor ’n twis wat hom nie aangaan nie.
18. Soos een wat onverskillig vuurpyle, dodelike pyle afskiet,
19. so is die man wat sy naaste bedrieg en sê: Ek speel somaar.