32. as hulle my insettinge ontheilig en my gebooie nie hou nie,
33. dan sal Ek hulle oortreding met die roede besoek en met plae hulle ongeregtigheid.
34. Maar my goedertierenheid sal Ek van hom nie wegneem en my trou nie verbreek nie.
35. Ek sal my verbond nie ontheilig nie, en wat oor my lippe gegaan het, sal Ek nie verander nie.
36. Een maal het Ek gesweer by my heiligheid: Waarlik, Ek sal vir Dawid nie lieg nie!
37. Sy nageslag sal vir ewig wees en sy troon soos die son voor My.
38. Soos die maan sal hy vir ewig vasstaan, en die getuie in die hemel is getrou. Sela.