2. Die hart van die wyse is na regs, maar die hart van ’n dwaas is na links.
3. Ja, ook as die dwaas op die weg wandel, ontbreek sy verstand; en hy sê aan elkeen dat hy ’n dwaas is.
4. As die toorn van die heerser teen jou opkom, verlaat nie jou pos nie, want bedaardheid voorkom groot foute.
5. Daar is ’n verkeerdheid wat ek onder die son gesien het, ’n dwaling wat van die maghebber uitgaan:
6. die dwaasheid word op groot hoogtes gestel, en die rykes moet in die vernedering sit.
7. Ek het slawe te perd gesien en vorste wat soos slawe op die grond loop.
8. Wie ’n kuil grawe, kan daarin val; en een wat ’n muur afbreek, ’n slang kan hom byt.
9. Wie klippe uitbreek, kan hom daarmee seermaak; wie hout klowe, kan daardeur in gevaar kom.
10. As die yster stomp geword het, en ’n mens die snykant nie geslyp het nie, moet hy die kragte meer inspan; maar wysheid is voordelig om iets te laat beantwoord.