10. Nogtans het dit as gevangene in ballingskap gegaan; nogtans is sy kinders by al die straathoeke verpletter, en oor sy edeles is die lot gewerp, en al sy groot manne is met kettings geboei.
11. Ook jý sal dronk word, beneweld wees, ook jý sal ’n toevlug soek teen die vyand.
12. Al jou vestings is vyebome met voorvye: as ’n mens skud, val hulle in die mond van die eter.
13. Kyk, jou volk binne-in jou is soos vroue, die poorte van jou land is wyd oopgemaak vir jou vyande, die vuur het jou grendels verteer.
14. Skep vir jou water vir die beleëring, versterk jou vestings, gaan in die modder en trap klei, gryp die steenvorm.