16. volgens die groter aantal jare moet jy die koopprys daarvan vermeerder, en volgens die kleiner aantal jare moet jy die koopprys daarvan verminder, want hy verkoop aan jou die aantal oeste.
17. Laat niemand dan sy naaste verdruk nie, en vrees jy jou God; want Ek is die Here julle God.
18. En doen my insettinge en onderhou my verordeninge en doen dit, dat julle veilig kan woon in die land.
19. En die land sal sy vrug gee, en julle sal volop eet en veilig daarin woon.
20. En as julle sê: Wat moet ons in die sewende jaar eet as ons nie mag saai nie en ons oes nie mag insamel nie? —
21. dan gebied Ek my seën vir julle in die sesde jaar, en dit sal die oes vir die drie jare oplewer.