23. Kan ’n Kusiet sy vel verander of ’n luiperd sy vlekke? Dan sal julle ook in staat wees om goed te doen, julle wat gewend is om kwaad te doen.
24. Daarom sal Ek hulle verstrooi soos ’n stoppel wat verbyvlieg voor die wind van die woestyn.
25. Dit is jou lot, die deel wat Ek jou toegemeet het, spreek die Here, omdat jy My vergeet en op leuens vertrou het.
26. So het Ek dan ook jou slippe opgetel oor jou aangesig, sodat jou skande gesien word.
27. Jou owerspel en jou gerunnik, jou skandelike hoerery — op die heuwels in die veld het Ek jou verfoeisels gesien. Wee jou, Jerusalem! Hoe lank sal dit nog duur voordat jy rein word?