8. Maar die sonde het aanleiding gevind deur die gebod en in my allerhande begeerlikheid gewerk; want sonder die wet is die sonde dood.
9. En sonder die wet het ek vroeër gelewe, maar toe die gebod kom, het die sonde weer opgelewe en ek het gesterwe.
10. En die gebod wat die lewe moes wees, dié het vir my geblyk die dood te wees.
11. Want die sonde het aanleiding gevind deur die gebod en my verlei en daardeur gedood.
12. Dus is die wet heilig en die gebod is heilig en regverdig en goed.