75. in heiligheid en geregtigheid voor Hom, al die dae van ons lewe.
76. En jy, kindjie, sal ’n profeet van die Allerhoogste genoem word, want jy sal voor die aangesig van die Here uitgaan om sy weë reg te maak;
77. om kennis van saligheid aan sy volk te gee in die vergifnis van hulle sondes,
78. deur die innige barmhartigheid van onse God waarmee die opgaande Lig uit die hoogte ons besoek het,
79. om te skyn oor die wat in duisternis en doodskaduwee sit, om ons voete na die pad van vrede te rig.
80. En die kindjie het gegroei en sterk geword in die Gees; en hy was in die woestyne tot op die dag van sy vertoning aan Israel.