38. As Demétrius en sy ambagsmanne dan ’n saak teen iemand het, die hofsittings word gehou, en daar is regters: laat hulle mekaar aanklaag.
39. Maar as julle nog iets anders verlang, dit sal in die wettige vergadering beslis word.
40. Want ons loop gevaar om oor die oproer van vandag aangeklaag te word, aangesien daar geen grond is waarop ons sal kan rekenskap gee van hierdie oploop nie. En met hierdie woorde het hy die vergadering ontbind.