18. En as hy jou benadeel het of iets skuld, sit dit op mý rekening —
19. ek, Paulus, het dit met my eie hand geskrywe: ek sal betaal — om nie te sê jou rekening nie, want jy is daarby jou eie persoon ook aan my verskuldig.
20. Ja, broeder, mag ek tog van jou voordeel trek in die Here! Verkwik my hart in die Here.
21. In vertroue op jou gehoorsaamheid het ek aan jou geskrywe, omdat ek weet dat jy nog meer sal doen as wat ek sê.
22. EN berei tegelykertyd ook herberg vir my, want ek hoop dat ek op julle gebede aan julle sal geskenk word.
23. Épafras, my medegevangene in Christus Jesus, groet jou;