4. Daar is wel verskeidenheid van genadegawes, maar dit is dieselfde Gees;
5. en daar is verskeidenheid van bedieninge, en tog is dit dieselfde Here;
6. en daar is verskeidenheid van werkinge, en tog is dit dieselfde God wat alles in almal werk.
7. Maar aan elkeen word die openbaring van die Gees gegee met die oog op wat nuttig is.
8. Want aan die een word deur die Gees ’n woord van wysheid gegee, en aan die ander ’n woord van kennis vanweë dieselfde Gees;
9. aan ’n ander weer geloof deur dieselfde Gees, en aan ’n ander genadegawes van gesondmaking deur dieselfde Gees;